Germano Jori

Da Wikipedia
Vanni a: navegaçión, çèrca

Germano Jori ( Sampedenna, 7 Ottobre 1904 – 13 Lüggio 1944 ) o l' è stæto un partigian (nomme de battaglia Renato), comandante di GAP de Zena.

I GAP[modìfica | modìfica wikitèsto]

I GAP (Gruppi d'Azione Patriottica) ean formasioin partigianne che agivan in çittæ; nasceivan da unna inisiativa piggiä dao Partio Comunista zà in to Mazzo do 1943, ma a sö asion a l' inisiava solo in to Dixembre do meximo anno. Primmi comandanti di GAP son stæti Giacomo Buranello e, appunto, Germano Jori, che zà durante o ventennio fascista o l' ea stæto imprexionnou in quante oppozitô do fascismo.

A morte in combattimento[modìfica | modìfica wikitèsto]

Ao momento dell' asion che a doveiva conclüdise con o sö sacrifisio, Jori o l' ea riçercou da tempo, essendo stæto individuou da o questô d'a Repübblica de Salò, Veneziani. A seguito de unna serie de arresti in te i membri da Rexistensa, o 13 Lüggio 1944 Jori, che o l' ea insemme a Domenico Chiappe e Vladimiro Diodati (Paolo) o vegniva intercettou da unna pattuglia di Battaglioni M in Sampedenna, all' incroxio tra Via Gioberti e quella che oua a se ciamma Via Buranello. Pe permette ai sö amixi de salvase, o comandante di GAP o se lanciava contra o nemigo, perdendo a vitta in te o scontro a fögô che seguiva. O sö gesto o permetteiva a Paolo e Chiappe de sottraise all' arresto; Paolo o saieva poi anæto in ta zona partigianna de montagna e diventou Comandante de Divixion.

Riconoscimenti[modìfica | modìfica wikitèsto]

Germano Jori o l' è stæto insignio de a Medaggia d' Argento ao valore militare ä memoia; inoltre gh' è stæto intitolou unna stradda de Certosa.

Bibliografia[modìfica | modìfica wikitèsto]

Contributo di Sampierdarena alla Resistenza 8 settembre 1943 – 25 aprile 1945, a cura della ANPI Sezioni di San Martino-Campasso Martiri del Turchino e Sampierdarena (1997)