Questa pàgina a l'é scrîta in léngoa zenéize

Lengoa ligure

Da Wikipedia
Vanni a: navegaçión, çèrca
ZE
Questa pàgina a l'é scrîta in léngoa zenéize
Lengoa ligure
lengua liggyre
lengua lìgüřa
Ligure-Ligurian-map.svg
Parlâ in Italia
Fransa
Principato de Monego
Region Liguria, Piemonte, Sardegna
Parlâ da 508.210
Famìggia lengoistega Lengue indoeuropee

 Gruppo Italico
  Romanzo
   Oççidentâ
    Galloromanzo
     Galloitalico
      Oççidentâ
       Ligure

Léngoa ofiçiâ de Mónego (dialetto monegasco

O Lìgure (in monegasco: lengua lìgüřa) o l'é 'na lengoa[1] do gruppo lengoìstego itàlico oçidentâ parlâ in Italia (Liguria, Piemonte, Emilia-Romagna e Sardegna), into sud da Fransa, in Còrsega, e into Prinçipato de Monego.

A-o tèrmine de 'n processo de rivendicaçion raprezentativa da parte de comunitæ lìguri inti confronti da çitæ ciù inportante, Zena, antiga capitâle do Stato a-o quæ a dâva o nomme, a Repubrica de Zena, inti ùrtimi dexenni s'é preferîo acetâ a paròlla lìgure a quella zeneize, pe-a lengoa parlâ inte l'atoale region amenestrativa Lìguria e in çerte zòne limìtrofe.

O baxin d'influensa di dialetti lìguri o l'é de çirca 2 milioin de personn-e anche se, specialmente inti ùrtimi çinquant'anni, pe coscì de variante locali se son perse e de âtre son a reizego tûtt'òua, anche pe córpa da mancansa de 'n pâ de generasioin inta continoasion da parlâ. Coscî, anchêu, a popolasion ch'a conosce a léngoa a l'é ben ben infeiô e ancón meno son quelli che a pàrlan e a scrîvan.

E variante ciù importanti son o zeneize, o savoneize, o spezzin, o ventemigliusu, o tabarchin, o monegasco, e o noveize.

No bezéugna confonde o moderno concetto de Lengoa lìgure co-o lìgure antigo, a léngoa di antighi lìguri, estinta primma de l'anno 200 a.C., d'orìgini sconosciûe.

Stöia[modìfica | modìfica wikitèsto]

Örìgine[modìfica | modìfica wikitèsto]

A lengoa lìgure, comme e âtre lengoe romanse, a s'é svilupâ da-o latìn vorgâ; a ògni mòddo, rispètto a-e âtre lengoe galloitaliche (romanse do Nòrd Italia), o lìgure o l'à subîo e influense d'un diverso çéppo lengoistego (quello de l'antigo lìgure) e de 'na poxiçion gïografica particolâ. O mæximo Dante, into seu De volgari eloquentia, mentre o dividde l'Italia lengoisticamente longo l'Appenin o mostra comme o lìgure o seggia ciù scimile a-i dialetti do Centro-Sud rispetto a quelli do Nòrd:

«Et dextri regiones sunt Apulia, sed non tota, Roma, Ducatus, Tuscia et Ianuensis Marchia; sinistri autem pars Apulie, Marchia Anconitana, Romandiola, Lombardia, Marchia Trivisiana cum Venetiis»

«E zöne de drîta son a Puggia, sciben che no tutta, Romma, o Docato (l'Unbria), a Toscann-a e a Marca de Zêna; invece quelle de manca son 'na parte da Puggia, a Marca d'Anconn-a, a Romagna, a Lonbardìa (Piemonte e Lonbardîa) e a Marca de Trevîzo e Venéçia»

Etæ contenporànea[modìfica | modìfica wikitèsto]

Frequensa d'ûzo de lengoe regionâli in Italia (2015).

Sciben che atoälménte a léngoa ligure a l'é parlâ da circa 1 milion de personn-e tra Italia, Prinçipato de Mónego e Fransa, a seu sopravivensa a l'é missa in pericolo[2]: difæti, comme in âtre regioin italiann-e, l'ûzo da lengoa regionâle o l'é intròu in crixi, aomentòu da-a voentæ di zoêni de no inparâ o ligure[3]. L'UNESCO o clascìfica a lengoa ligure comme "a rischio"[4].

A otôbre 2017 a l'é stæta fæta 'na propòsta de lezze pe riconosce a léngoa inta Region Ligûria[5].

Carateristiche[modìfica | modìfica wikitèsto]

Fonétiga[modìfica | modìfica wikitèsto]

Rispètto a-e âtre léngoe de l’Italia centrosetentrionâle, o lìgure o l’à avûo (sciben no in tùtte e sò varianti) ascì molte influense de léngoe do Centro-Sud da penîzoa. Infæti, sciben che se trêuvan carateristiche de léngoe galloitalighe comme:

  • l'evoluçion de Ō e Ū latin in [y] e [ø] (PLŪS > ciù/pù e NŌVUM > neuvo)
  • l'evoluçion de -CT- in -[jt] (FACTUM > faito > fæto)
  • a palatizaçion de:
    • -BL- in [d͡ʒ] (BLASPHEMIA > giastema)
    • -PL- in [t͡ʃ] (PLANTA > cianta)
    • -FL- in [ʃ] (FLORE > sciô)
    • -CL- in [t͡ʃ] (CLAMARE > ciamâ)
    • -GL- in [d͡ʒ](GLANDA > gianda)
  • a velarizaçion de N finâle e primma de 'na dentale in [ŋ] (LATINUS > latin)

Gh'é dötræ carateristiche comme:

  • o pasaggio da ILLE a [u] a-o pòsto de [el/il] (comme invece o l'é inti dialetti occidentâli)
  • l'indebolimento di -R- scinn-a sò chéita

Fonologîa[modìfica | modìfica wikitèsto]

'N mariòlo in Ligure

Consonanti[modìfica | modìfica wikitèsto]

Labbiàli Alveölàri Postalveölàri Palatàli Velàri Glottàli
Nazali m n ɲ ŋ
Plosîve sórde p t k
sonöre b d ɡ
Affricàte sórde (t͡s) t͡ʃ
sonöre (d͡z) d͡ʒ
Fricatîve sórde f s ʃ
sonöre v z ʒ
vibrânti sórde r
sonöre
aproscimæ l j w

Vocâle[modìfica | modìfica wikitèsto]

Anteriôri Posteriôri
saræ i • y  u
çentrâli e • ø (o)
quæxi avèrte ɛ  ɔ
avèrte a

Scistema de scrïttûa[modìfica | modìfica wikitèsto]

No gh'é 'na grafîa de parlæ lìguri universalmente acetâ: difæti, sciben che gh'é stæto di tentatîvi de creaçion de 'na grafîa comune (a ezenpio a grafîa in U)[6], gh'é di òrtografîe locali leghæ a-e pròpi dialetti. Vedde a pàgina Grafie liguri.

Nòtte[modìfica | modìfica wikitèsto]

  1. https://www.ethnologue.com/language/lij
  2. https://patrimonilinguistici.it/risorse-utili/lista-delle-lingue-parlate-in-italia/
  3. http://www.cadepuio.it/lanostraparlata/la_lingua_ligure.html
  4. http://www.unesco.org/languages-atlas/index.php
  5. http://www.primocanale.it/notizie/-la-regione-investa-per-la-lingua-ligure-la-proposta-di-legge-a-tutela-del-dialetto--190334.html
  6. http://www.zeneize.net/ziardua/grafia/vpl.html

Veddi ascì[modìfica | modìfica wikitèsto]

Colegaménti estèrni[modìfica | modìfica wikitèsto]